• Neti Charithra

Breaking.. కట్టుకున్న.. భార్యను గొడ్డలి తో నరికి చంపి.. రాక్షసత్వాన్ని చాటుకున్న భర్త..!


Breaking.. కట్టుకున్న.. భార్యను గొడ్డలి తో నరికి చంపి.. రాక్షసత్వాన్ని చాటుకున్న భర్త..!


కట్టుకున్న భర్తే.. కాల యముడు అయ్యాడు.. అనుమాన భూతం తో భార్యను భర్త గొడ్డలితో నరికి చంపిన ఘటన జగిత్యాలజిల్లాలో చోటుచేసుకుంది. పోలీసుల కథనం మేరకు..వెల్గటూరు మండలం చెర్లపల్లి గ్రామానికి చెందిన శంకరయ్య (45) ముంబయిలో కల్లు దుకాణంలో పనిచేస్తున్నాడు. ఆయన భార్య సుజాత(37), పన్నెండేళ్ల వయసులోపు ఇద్దరు మగపిల్లలతో కలిసి చర్లపల్లిలోనే ఉంటోంది. శంకరయ్య అప్పుడప్పుడూ ఇంటికి వచ్చేవాడు.

భార్యపై అనుమానం పెంచుకున్న అతను వచ్చిన ప్రతిసారీ ఫూటుగా మద్యం తాగి ఆమెతో గొడవ పడేవాడు. మల్లన్న దేవుని పట్నాల మొక్కుల కోసం రెండు నెలల క్రితం స్వగ్రామానికి వచ్చి, అప్పట్నుంచి అక్కడే ఉంటున్నాడు. ఈ క్రమంలో పలుమార్లు భార్యతో గొడవపడ్డాడు. సోమవారం తెల్లవారుజామున కాలకృత్యాలు తీర్చుకునేందుకు భార్య స్నానాల గదిలోకి వెళ్లడాన్ని గమనించి బయటే మాటువేశాడు. ఆమె బయటికి రాగానే గొడ్డలితో దాడిచేశాడు. తల, మెడ, చేతులపై విచక్షణరహితంగా నరికాడు. తీవ్ర రక్తస్రావమై ఆమె అక్కడికక్కడే మరణించింది. శంకరయ్య ఉదయం వరకు మృతదేహం పక్కనే కూర్చుండిపోయాడు. ఉదయం నిద్రలేచిన పిల్లలు జరిగిన ఘోరాన్ని చూసి హతాశులయ్యారు. మృతురాలి సోదరుడి ఫిర్యాదు మేరకు పోలీసులు నిందితుడిని అదుపులోకి తీసుకున్నారు.