• Neti Charithra

25 ఏళ్ల యువతి పై.. ప్రముఖుల లైంగిక దాడి.. 143 మంది పై అత్యాచార కేసులు నమోదు..!


25 ఏళ్ల యువతి పై.. ప్రముఖుల లైంగిక దాడి.. 143 మంది పై అత్యాచార కేసులు నమోదు..!




నేటి చరిత్ర:( ప్రత్యేక ప్రతినిథి)



25 ఏళ్ల యువతి ఇచ్చిన ఫిర్యాదు మేరకు..

హైదరాబాద్ లో సంచలనాత్మకమైన కేసు నమోదైంది. పంజాగుట్ట పీఎస్ లో తనపై 143 మంది అత్యాచారం చేశారని ఓ యువతి ఫిర్యాదు చేసింది. మొదట పోలీసులు షాక్ కు గురైనా.. ఆమె ఫిర్యాదు

మేరకు వారందరిపై కేసు నమోదు చేశారు. ఇందుకు సంబంధించిన వివరాలు ఇలా ఉన్నాయి. నల్లగొండ జిల్లా మిర్యాలగూడకు చెందిన ఓ యువతి తనపై 143 మంది అత్యాచారం చేశారని శుక్రవారం పంజాగుట్ట పోలీస్ స్టేషన్ లో ఫిర్యాదు చేసింది. గతంలో తనతో పరిచయం ఉన్న వాళ్లే తనపై అఘాయిత్యం చేసినట్లు ఫిర్యాదులో పేర్కొంది. ఆమె ఫిర్యాదు మేరకు పోలీసులు 143 మందిపై నిర్భయ కేసు నమోదు చేసి విచారణ ప్రారంభించారు. అనంతరం ఆ యువతి సోమాజిగూడలోని ఎన్జీవో ఆశ్రమాన్ని ఆశ్రయించింది. ఒకే యువతిపై అంత మంది అత్యాచారం చేయడం రాష్ట్రంలో సంచలనంగా మారింది .

గడిచిన 11 ఏళ్లలో 143 మంది తనపై దారుణానికి ఒడిగట్టారని ఫిర్యాదులో

వివరించింది. ఈమె ఇచ్చిన ఫిర్యాదులో అనేక మంది నటులు, టీవీ యాంకర్లు, ప్రముఖు మంత్రులు, ఎమ్మెల్యే ల

పీఏల పేర్లు కూడా ఉన్నాయి. తనపై 143 మంది వేలసార్లు లైంగికంగా దాడి చేశారని ఫిర్యాదులో 25ఏళ్ల యువతి వెల్లడించింది. ఆమె ఫిర్యాదును తీసుకున్న పోలీసులు నిజానిజాలు నిగ్గు తేల్చేందుకు దర్యాప్తు మొదలుపెట్టారు.