ఎన్ కౌంటర్ నిందితుల నుంచి తుపాకులు.. బుల్లెట్లు స్వాధీనం చేసుకున్న పోలీసులు!

#ఎన్ కౌంటర్ నిందితుల నుంచి తుపాకులు.. బుల్లెట్లు స్వాధీనం చేసుకున్న పోలీసులు!

హైద‌రాబాద్ : నేటి చరిత్ర (డిసెంబర్6) దిశను అత్యంత పాశవికంగా హత్యాచారం చేసిన నలుగురు నిందితులను శుక్రవారం తెల్లవారుజామున పోలీసులు ఎన్ కౌంటర్ చేసిన సంగతి తెలిసిందే. దిశను హత్య చేసిన స్థలంలో సీన్ ను రీకన్స్ట్రక్షన్ చేస్తున్న సమయంలో నిందితులు తప్పించుకునే ప్రయత్నం చేశారు. పోలీసులపై రాళ్లు రువ్వి, వారి ఆయుధాలను లాక్కొనేందుకు నిందితులు యత్నించారు. ఈ నేపథ్యంలో, ఆత్మరక్షణ కోసం నిందితులను పోలీసులు ఎన్ కౌంటర్ చేశారు.

ఈ తెల్లవారుజామున 3 గంటల నుంచ 5.30 గంటల మధ్య ఈ ఎన్ కౌంటర్ జరిగింది. మరోవైపు, ఎన్ కౌంటర్ జరిగిన స్థలంలో పోలీసులు బుల్లెట్లను రికవర్ చేశారు. ఘటనా స్థలం లో రెండు పిస్టళ్లు, మొత్తం 12 బుల్లెట్లను స్వాధీనం చేసుకున్నారు. గన్స్ ను క్లూస్ టీమ్ సీజ్ చేసింది.